Pwy ydym ni

Ein gwerthoedd Byd Gweledol:

Supporting Deaf Visual Artists in South Wales.

Gweledigaeth a chenhadaeth

A ninnau yng nghalon de Cymru, pwrpas Ein Byd Gweledol yw estyn cymorth ac adnoddau i Artistiaid Gweledol Byddar ledled ein gwlad.

Mae ein cenhadaeth yn trosgynnu ffiniau daearyddol wrth i ni geisio meithrin cymuned lewyrchus lle bo Artistiaid Gweledol Byddar yn blodeuo ac yn ffynnu.

Yr ydym yn angerddol ynghylch datblygu a chynnal cysylltiadau ystyrlon rhwng Artistiaid Gweledol Byddar a chynghreiriaid allweddol o fewn orielau ac amgueddfeydd gan sicrhau fod eu lleisiau yn cael eu clywed. Drwy bartneriaethau a chydlafurio strategol, gweithiwn i wneud yn siwr fod Artistiaid Gweledol Byddar nid yn unig yn cael eu gweld ond hefyd eu dathlu am eu persbectif a’u cyfraniad unigryw.

Mae ein gweledigaeth yn ymestyn y tu hwnt i gynrychiolaeth yn unig; ein hymrwymiad yw adeiladu sylfaen gadarnach a chynyddu cynwysoldeb. Drwy rannu dealltwriaeth a gwerthfaworgiad, ceisiwn chwalu rhagfuriau a chreu gofod mwy agored a chroesawgar I alluogi Artistiaid Gweledol Byddar i ffynnu.

Sut y daethom I fod

Syniad gwreiddiol yr Artistiaid Gweledol Byddar, yr actifyddion a’r ymgyrchwyr Jonny Cotsen a Jane Simpson, sy’n cynnal Artistiaid GS/GS Artists yn Abertawe, ydoedd hwn drwy bartneriaethu gyda Chelfyddydau Anabledd Cymru, Clwb Byddar Llanelli ac Oriel Gelf Glynn Vivian.

Fe wnaethom geisio cyfarwyddyd a chymorth pobl brofiadol yn y cymunedau Byddar a Chelf sef: Rubbena Aurangzeb-Tariq, sy’n Fyddar ac yn Seicotherapydd Celf, Heather Williams, sy’n arbenigo mewn rheoli projectau ac mewn Ymgynghoriaeth BSL/Mynediad, a Tom Goddard, sy’n artist ac yn drwm ei glyw ers ei eni.

Project Cysylltu a Ffynnu Yw Ein Byd Gweledol, drwy gymorth Cyngor Celfyddydau Cymru.

Cyfarfod â’r tîm/criw

Tom Goddard
Artist gweledol ac athro
Artist gweledol ac athro yw Tom Goddard. Mae’n aelod o’r casgleb gentle/radical, cafodd ei enwebu ar gyfer Gwobr Turner yn 2021, derbyniodd Wobr Marsh am ragoriaeth mewn addysg, dyfarnwyd Gwobr Cymru Greadigol iddo a’i ddewis hefyd ar gyfer Jerwood Survey - arddangosfa fawr yn cyflwyno gwaith 15 artist Teyrnas Gyfunol cynnar yn eu gyrfaoedd yn 2018/19. Mae wedi arddangos ei waith ar draws Unol Daleithiau’r Amerig, De America, Tsieina, Ewrob a’r Deyrnas Gyfunol. Gweithiodd yn helaeth mewn ymarfer celfyddydau cymdeithasol a chymunedol, yn bennaf gyda phobl ifanc.
Jane Simpson
Artist a Chyfarwyddwr Sylfaen Artistiaid GS/GS Artists
Mae’n adnabyddus am ei cherfluniau rwber, ia ac unedau oergell, ac mae wedi arddangos ei gwaith yn Efrog Newydd, Madrid, Stockholm, Berlin, Seoul, ymhlith llefydd eraill. Cafodd ei gwaith ei gynnwys yn yr arddangosfeydd arloesol ‘Some Went Mad, Some Ran Away’ a ‘Sensation’ ac mae’n rhan o gasgliadau hynod arwyddocaol Cyngor Celfyddydau Lloegr, Casgliad Celf Llywodraeth San Steffan, a Chasgliad y Tate. Sefydlodd Simpson Artistiaid GS/GS Artists o’i stiwdio yn ei thref enedigol Abertawe, project celf nid er elw a rydd bwyslais ar alluogi pobl ac ar greadigrwydd i bawb.
Jonny Cotsen
Athro celf cymwysedig
Athro celf cymwysedig yw Jonny Cotsen, a benderfynodd fynd ar drywydd celfyddyd berfformiadol yn ogystal â dod yn ymgynghorydd mynediad, gan ddadlau o blaid gwell cynwysoldeb yn y celfyddydau. Sefydlodd ‘Hear We Are,’ /‘Clywch ni yma’ gan ganolbwyntio ar brofiadau unigolion byddar a thrwm eu clyw yn y maes creadigol. Mae Jonny yn trefnu ‘Byddar Ynghyd’, digwyddiad tridiau yng nghanolfan Chapter, Caerdydd, gan sicrhau fod lleisiau creadigol y gymuned fyddar a thrwm eu clyw yn hyglyw.
Rubbena Aurangzeb-Tariq
Artist
Artist Gweledol Byddar Mwslemaidd Pacistanaidd-Brydeinig wedi ei lleoli yn Llundain yw Rubbena Aurangzeb-Tariq. Mae’n creu lluniau a gosodiadau, ac arddangoswyd ei gwaith yn Efrog Newydd, Llundain, Paris, Sweden, a De Korea.
Heather Williams
Ein Harweinydd Byd Gweledol a'n Harlunydd
Mae gan Heather Williams flynyddoedd lawer o brofiad mewn rheoli projectau, codi arian, a hawliau lles pobl fyddar ac anabl a hynny yn y trydydd sector. Yn ddiweddar mae Heather wedi trosglwyddo’r sgiliau hynny i’r sector creadigol drwy fynd yn Hunanliwitiwr Creadigol wrth reoli projectau, Ymgynghori BSL, arwain Teithiau BSL, yn ogystal â bod yn hwylusydd gweithdai ac yn Gynorthwydd Personol i artistiaid niwroamrywiol. Mae’n angerddol ei chefnogaeth i’r gymuned gelfyddydol fyddar drwy rwydwaith Artistiaid Gweledol Byddar y Deyrnas Gyfunol, gan fentora, arwain gweithdai a darparu teithiau BSL. Yn 2024, cyfranogodd yn yr arddangosfa Neursopicy yn Ymbarél Caerdydd/Cardiff Umbrella.
Emily Rose
Artist gweledol
Artist gweledol, Mam a Menyw Fyddar yw Emily Rose. Ei dyhead yw gwneud pethau yn haws eu cyrraedd…Ydy hynny’n ormod i’w ofyn yn 2024? Defnyddia emosiynau amrwd i archwilio’r daith ddryslyd wych o fod yn fam gan ddefnyddio cyfryngau cymysg, celf haniaethol a ffilm fideo. Mae’n gweithio yng Nghaerdydd a Bro Morgannwg.
Melissa Payne
Artist
Mae Melissa Payne yn Artist Gweledol hynod fyddar. Cafodd ei magu gerllaw Bae’r Tri Chlogwyn ar Benrhyn godidog Gwyr, sydd wedi ei ddynodi yn ardal o harddwch naturiol eithriadol. Mae’n Artist Wneuthurwr, sy’n ymgymryd â gwaith comisiwn ac yn creu llawer o weithiau celf gan gynnwys celf gain, enamel, gwaith seramig, gwydr lliw a dylunio patrwm arwyneb. Mae’n gwerthu ei gwaith celf mewn orielau a ffeiriau. Mae ei gwaith yn aml yn organig ei natur a thrwy’r darnau, ei nod yw defnyddio’I hunanianeth fyddar i gyfathrebu gyda’r byd.
Kate Evans
Tynnwr lluniau yn Ne Cymru
Kate Evans, Tynnwr lluniau yn Ne Cymru yw Kate Evans. Cipio eiliadau a dweud storïau yw’r hyn sy’n nodweddu ei gwaith yn ogystal â chyfleu natur yn symud drwy ddilyn llif y dŵr mewn rhaeadrau er enghraifft. Mae’n hoffi arbrofi gyda gwahanol ffurfiau a chyfryngau celf. Mae wrth ei bodd yn ymwneud â phobl a darganfod eu personoliaethau sef yr hyn sy’n eu gwneud yr hyn ydynt. Mae’n cael pleser mawr yng nghanol byd natur wrth fynd i ymdrochi mewn dŵr oer gan fod hynny yn sbarduno meddylgarwch.
Alex Miller
Artist Gweledol
Mae Alex Miller yn Artist Gweledol. Roedd ganddo angerdd am gelf pan oedd ar ei brifiant yn ne Cymru. Gan ei fod yn fyddar, profodd Alex rwystrau mewn addysg a hyfforddiant a chafodd brofiadau bywyd anodd. Mae’n gweithio’n galed fodd bynnag i chwalu’r rhwystrau hyn. Ar hyn o bryd mae’n astudio tecstiliau ym Mhrifysgol Plymouth. Yn ddiweddar, enillodd Alex wobr ym Mhrifysgol Plymouth am ei ymgyrch i godi ymwybyddiaeth am fyddardod sef ‘Tell you later’, gan ddefnyddio tecstiliau I fynd â’r maen i’r wal.